En Morriña Fotografía temos claro quen é o protagonista: ti.

Despois de cinco anos dedicándonos á fotografía social (vodas, bautizos, comuñóns, fotos de familia, nenos, etc.) e empresarial (fotos para redes sociais, webs, eventos…), ¡por fin damos o salto creando a nosa propia empresa! E facémolo convencidos de que sodes vós os que debedes ser o centro de todo o noso traballo.

¿Como poderiamos definírmonos? Quizais a palabra perfecta é naturalidade: gústannos as fotos nas que nunca deixades de ser vós mesmos, esas nas que as emocións son de verdade e nas que ninguén se sente incómodo posando. As mellores imaxes son as que nacen das emocións, e para fotografar eses momentos é imprescindible centrarse en observar e estar preparado para capturalos. Parécenos importante non intervir no que está sucedendo, porque queremos que vos sintades libres, que vos mostredes como sodes e poder fotografarvos así. Gústanos facer as sesións con calma, dedicarvos o tempo necesario para obter imaxes que vos farán lembrar para sempre eses intres con morriña e emoción: ¡queremos que, cando vexades esas fotos, os recordos vos inunden e sexan un motivo de felicidade!